Frågedatum: 2020-03-27
RELIS database 2020; id.nr. 14026, RELIS Vest
[email protected]
www.svelic.se
Utredningen som riktar sig till hälso- och sjukvårdspersonal, har utformats utefter tillgänglig litteratur och resurser vid tidpunkten för utredning. Innehållet i utredningen uppdateras inte. Hälso- och sjukvårdspersonal är ansvarig för hur de använder informationen vid rådgivning eller behandling av patienter.


Infliksimab, graviditet og arbeid i barnehage under Covid-19-pandemien



Fråga: Ein pasient med psoriasisartritt fekk infliksimab (Inflectra) for 7 veker sidan. Pasienten er no gravid og behandling med infliksimab er difor pausa. Er det greitt for denne pasienten å vere i arbeid i barnehage no, med tanke på tid sidan siste infusjon, pågåande Covid-19-pandemi og at ho er gravid? Har RELIS nokre tankar rundt dette? Spørsmål frå lege.

Svar: Spørsmålet vart drøfta med spørsmålsstillar over telefon, etter drøfting i kollegiet. Vi råda til å ha ei føre-var-halding i det aktuelle tilfellet, med utgangspunkt i det vi veit om legemidlet, og sidan det i skrivande stund (26. mars 2020) er så mange usikkerheitsfaktorar for Covid-19 kva gjeld risikogrupper, smittevegar (særskilt barn-barn og barn-vaksne) og generelt med tanke på at ho er gravid. Relevant informasjon og kjelder attgjevast under.

Auka infeksjonsrisiko etter bruk av infliksimab
I preparatomtalen (SPC) til Inflectra oppgjevast det følgjande om handtering av infeksjonsrisiko (vår understreking av særskilt rettleiande punkt) (1):

Pasienter må monitoreres nøye for infeksjoner inkludert tuberkulose før, under og etter behandling med infliksimab. Siden eliminasjonen av infliksimab kan ta opp til seks måneder, bør monitoreringen fortsette gjennom hele denne perioden. Videre behandling med infliksimab skal ikke gis dersom en pasient utvikler en alvorlig infeksjon eller sepsis.

Forsiktighet må utvises når det vurderes å gi infliksimab til pasienter med kronisk infeksjon eller som har hatt tilbakevendende infeksjoner, inkludert samtidig immunsuppressiv behandling. Pasientene skal når det er hensiktsmessig rådes til å unngå å utsette seg for potensielle risikofaktorer for infeksjon.

Tumornekrosefaktor alfa (TNFalfa) medierer inflammasjon og modulerer cellulære immunresponser. Eksperimentelle data viser at TNFalfa er viktig for å bekjempe intracellulære infeksjoner. Klinisk erfaring viser at hos noen pasienter som behandles med infliksimab er pasientens eget forsvar mot infeksjoner nedsatt.

Man bør være oppmerksom på at hemming av TNFalfa kan maskere symptomer på infeksjoner slik som feber. Tidlig gjenkjennelse av et atypisk klinisk forløp for alvorlige infeksjoner og for typiske kliniske forløp for sjeldne og uvanlige infeksjoner er kritisk for å redusere forsinkelse av diagnostisering og behandling.

Pasienter som får TNF-hemmere er mer mottagelige for alvorlige infeksjoner.

Fleire usikre moment for eventuell smitterisiko av Covid-19
Med tanke på smitterisiko og eventuelt alvorlegare forløp av Covid-19-infeksjon er det fortsatt mykje som er ukjend for den aktuelle pasienten i skrivande stund (26. mars 2019). Følgjande informasjon/tilrådingar finst per no om dei relevante faktorane:


  • Kunnskapen om risikogrupper er avgrensa. Det er mogleg at personar som har nedsett immunforsvar (òg som følgje av medikamentell behandling) har auka risiko for alvorleg forløp av Covid-19, men det er per no ikkje grunnlag for å frårå oppstart eller stoppe pågåande immunsupprimerande behandling (2).

  • Gravide med nedsett immunforsvar kan vere ekstra utsett for meir alvorleg luftvegsinfeksjon, og det kan tenkast at dette òg gjeld ved Covid-19-infeksjon (3).

  • Barn ser ut til å få mild sjukdom av Covid-19, og ein er usikker på barns tyding i smittespreiinga av Covid-19. For risikogruppene tilrådast det å unngå pass av mindre barn, då dei kan ha ingen eller milde symptom og potensielt kan smitte personar i risikogruppene (2, 4).

  • Det tilrådast at helsepersonell som er gravide og som har svangerskapskomplikasjonar eller kronisk sjukdom som kan vere forbunde med auka risiko for alvorleg forløp av Covid-19, omplasserast til andre arbeidsoppgåver eller heimekontor vurdert ut frå individuell risiko (5). Det finst ikkje tilsvarande tilrådingar for andre yrkesgrupper av gravide med eventuelle risikofaktorar, men det oppmodast om å drøfte risikoen med eigen lege og samtale med arbeidsplass om mogleg tilrettelegging (t.d. heimekontor) (2, 5).

Referenser:
  1. Statens legemiddelverk. Preparatomtale (SPC) Inflectra. https://www.legemiddelsok.no/ (Sist oppdatert: 9. januar 2020).
  2. Folkehelseinstituttet. Råd og informasjon til risikogrupper. https://www.fhi.no/nettpub/coronavirus/fakta/risikogrupper/ (Sist oppdatert: 20 mars 2020).
  3. Norsk gynekologisk forening. Råd for håndtering av gravide med påvist/mulig CoVid19-infeksjon (koronavirus). https://www.legeforeningen.no/foreningsledd/fagmed/norsk-gynekologisk-forening/covid-19/ (Publisert: 16. mars 2020).
  4. Folkehelseinstituttet. Informasjon til skoler, skolefritidsording og barnehager. https://www.fhi.no/nettpub/coronavirus/rad-og-informasjon-til-andre-sektorer-og-yrkesgrupper/informasjon-til-skoler-skolefritidsording-og-barnehager/ (Sist oppdatert: 25. mars 2020).
  5. Folkehelseinstituttet. Råd og informasjon for gravide og ammende. https://www.fhi.no/nettpub/coronavirus/fakta/rad-for-gravide-og-ammende/ (Sist oppdatert: 20. mars 2020).