Norwegian flag
Utredningen som riktar sig till hälso- och sjukvårdspersonal, har utformats utefter tillgänglig litteratur och resurser vid tidpunkten för utredning. Innehållet i utredningen uppdateras inte. Hälso- och sjukvårdspersonal är ansvarig för hur de använder informationen vid rådgivning eller behandling av patienter.


Fenazon og paracetamol til pasient med hyppige migreneanfall



Fråga: Pasient med svært hyppige migreneafall, spenningshovudpine samt smerter i nakke og rygg. Ho har mutasjon og nedsett funksjon i CYP2D6, CYP2C9 og CYP2C19. Førebyggjande migrenebehandling har ikkje hatt effekt, og er under seponering. Triptan har effekt, men på grunn av maksimaldosering kan ho ikkje bruka det ved alle anfalla. Då brukar ho ein kombinasjon av fenazon+koffein (Fenazon-koffein), acetylsalisylsyre (Aspirin) og diazepam (Stesolid) som anfallskuppering. Legen spør om paracetamol kan leggjast til dette, og om det vil ha ein tilleggseffekt.

Svar: Søk i ulike interaksjonsdatabaser har ikkje vist interaksjonar som skulle hindra at fenazon-koffein og paracetamol kan takast samstundes (1-3).

I tidlegare RELIS-utreiingar har ein konkludert med at det er lite å henta på å leggja til fenazon når ein allereie brukar paracetamol, då smertestillande effekt av fyrstnemnde er beskjeden. Som monoterapi kan likevel fenazon ha eigenskapar som er nyttig for den einskilde pasient (4).

KONKLUSJON
Me har ikkje funne informasjon som skulle tilsei at paracetamol og fenazon ikkje bør kombinerast. Kor stor tilleggseffekt ein vil ha av å kombinera dei er usikkert.

Referenser:
  1. Baxter K, Preston CL, editors. Stockleys Drug Interactions (online). http://www.medicinescomplete.com/ (Søk: 15. mai 2017).
  2. Statens legemiddelverk. Interaksjonssøk. http://www.legemiddelsok.no/sider/Interaksjoner.aspx (Søk: 15. mai 2017.
  3. Lægemiddelstyrelsen (Danmark). Den nationale Interaktionsdatabase. http://www.interaktionsdatabasen.dk/ (Søk: 15. mai 2017)
  4. RELIS database 2014; spm.nr. 8908, RELIS Vest. (www.relis.no)