Norwegian flag
Utredningen som riktar sig till hälso- och sjukvårdspersonal, har utformats utefter tillgänglig litteratur och resurser vid tidpunkten för utredning. Innehållet i utredningen uppdateras inte. Hälso- och sjukvårdspersonal är ansvarig för hur de använder informationen vid rådgivning eller behandling av patienter.


Oppbevaring av lidokain med adrenalin



Fråga: I samband med at Xylocain-Aadrenalin er rest, har ein hudavdeling gått over til å bruke Rapidocain-Epinephrin, eit tysk preparat innhaldande lidokain og adrenalin, ved biopsiar. Preparatet finst berre som 5 ml ampullar, og ved biopsi nyttast 0,5 ml. Det er no etablert praksis at hudavdelingen trekk opp denne mengden i sprøyter tidleg på dagen, som så oppbevarast under eit lystett klede. Sprøytene blir brukt ila. dagen. Hudavdelinga har kontakta sjukehusapoteket for å høyre om dette er ok. Farmasøyt ved sjukehusapoteket spør RELIS om denne praksisen er grei.

Svar: I preparatomtalen er det oppgjeve at legemidlet skal oppbevarast i originalforpakningen, ved romtemperatur (15-25 °C) og skyddast mot lys. Ved anbrot av ampullen, skal gjenverande ubrukt løysing kasserast (1).

Stabiliteten til adrenalin kan endrast ved eksponering for lys, luft, temperatur- og pH-endringar, samt kontakt med ulike oksiderande middel. Det kan likevel vere forskjell i stabiliteten mellom preparat i høve til form av adrenalin, konserveringsmiddel og produksjon. Overføringsverdien frå studiar og preparatomtalar for ulike produkt er derfor sparsam. Litteraturen er tydeleg på viktigheita av å overhalde oppbevaringsvilkåra og å ikkje nytte injeksjonsvæska dersom ein ser utfelling eller fargeendring. Adrenalin får ei synleg fargeendring når ca 10 % er brutt ned (2-4).

Det er altså ei eventuell nedbryting og effekttap av adrenalin som vil utgjere den største risikoen ved å overføre løysinga frå ampullen og over i sprøyter. Vi kan ikkje seie noko om hastigheita av ei eventuell nedbryting av adrenalin ved den aktuelle praksisen. I kva grad inaktivt adrenalin utgjer en risiko vil avhenge av i kva situasjon produktet brukast og kor viktig adrenalin-effekten er der og då (3, 4).

KONKLUSJON
Grunna at stabiliteten til adrenalin kan endrast ved endra oppbevaringsvilkår, er det tilrådd at Rapidocain-Epinephrin oppbevarast i originalpakningen fram til det skal brukast. RELIS kan ikkje seie noko om hastigheita av nedbrytinga av adrenalin ved den aktuelle praksisen eller korleis dette vil innverke på den ønska effekten.

Referenser:
  1. Fachinformation des Arzneimittel-Kompendium der Schweiz. Rapidocain mit Epinephrin. https://compendium.ch/ (Sist oppdatert: August 2011).
  2. McEvoy GK, editor. Epinephrine. The AHFS Drug Information (online). http://www.medicinescomplete.com/ (Sist oppdatert: 7. august 2017).
  3. Trissel LA, editor. Handbook on Injectable Drugs (online). http://www.medicinescomplete.com/ (Lest: 1. juni 2018).
  4. RELIS database 2017; spm.nr. 11704, RELIS Vest. (www.relis.no)