Norwegian flag
Utredningen som riktar sig till hälso- och sjukvårdspersonal, har utformats utefter tillgänglig litteratur och resurser vid tidpunkten för utredning. Innehållet i utredningen uppdateras inte. Hälso- och sjukvårdspersonal är ansvarig för hur de använder informationen vid rådgivning eller behandling av patienter.


Forskjellar mellom ulike fosfat-preparat



Fråga: Ein pasient på ei sjukehusavdeling får behandling med fosfat-preparatet K-Phos Neutral. Sjukehusapoteket må bestille inn dette, men har Phosphate Sandoz på lager. Dei finn at innhaldsforteikninga til dei to preparata er noko forskjellig med tanke på saltformene, og lurer på om dette har tyding for pasienten? Indikasjonen for behandlinga vart ikkje vidareformilda til RELIS. Spørsmål frå sjukehusfarmasøyt.

Svar: K-Phos Neutral er oppgjeve å innehalde dibasic sodium phosphate anhydrous, monobasic potassium phosphate og monobasic sodium phospate monohydrate, som tilsvarer 250 mg fosfat, 298 mg natrium og 45 mg kalium per tablett (1). Phosphate Sandoz er oppgjeve å innehalde monobasic sodium phosphate, potassium bicarbonate og sodium bicarbonate, som tilsvarer 16,1 mmol fosfat (500 mg), 20,4 mmol natrium (469 mg), 3,1 mmol kalium (121 mg) per tablett (2, 3).

Om ein ser bort frå ulik styrke på dei to preparata, er tilhøvet mellom elektrolyttar noko forskjellig mellom dei to. Elektrolyttar er uansett noko som bør monitorerast dersom pasienten har redusert nyrefunksjon eller andre tilstandar som krever nøye monitorering (1, 2). Utover dette bør indikasjonen vere styrande for om dei to preparata kan nyttast om ein annan. Preparata har ulik ATC-kode (G04BA for K-Phos Neutral, V03AG for Phosphate Sandoz), men begge preparata er til dømes nytta til behandling av hypofosfatemi (2-4).

Referenser:
  1. U.S. National library of medicine. DailyMed. K Phos Neutral. https://dailymed.nlm.nih.gov/ (Sist endret: 1. oktober 2014)
  2. UK Medicines and Healthcare Products Regulatory Agency (MHRA). Summary of Product Characteristics (SPC) Phosphate Sandoz. https://www.medicines.org.uk/emc/ (Sist oppdatert: 29. oktober 2015).
  3. Nasjonal veileder i endokrinologi, 2015. Hypofosfatemi. https://www.helsebiblioteket.no/ (Lest: 20. mai 2019).
  4. Micromedex® 2.0 (online). Potassium Phosphate/Sodium Phosphate, Monobasic And Dibasic (Drugdex System). https://www.helsebiblioteket.no/ (Sist oppdatert: 17. april 2019).