Norwegian flag
Utredningen som riktar sig till hälso- och sjukvårdspersonal, har utformats utefter tillgänglig litteratur och resurser vid tidpunkten för utredning. Innehållet i utredningen uppdateras inte. Hälso- och sjukvårdspersonal är ansvarig för hur de använder informationen vid rådgivning eller behandling av patienter.


Refusjon av kandesartan mot migrene



Fråga: Ein pasient har ytra ønskje om kandesartan på blå resept mot migrene, etter å ha fått informasjon på apoteket om at dette er mogleg. Legen finn ikkje at det er mogleg å føreskrive kandesartan på blå resept mot migrene og spør RELIS om meir informasjon.

Sammanfattning: Kandesartan som migreneprofylakse har ikkje førehandsgodkjent refusjon. Dokumentasjonen for effekt av kandesartan som førebyggjande behandling mot migrene er foreløpig sparsam, og moglegvis ikkje av ei slik mengde eller storleik at individuell refusjon kan innvilgast. RELIS kan likevel ikkje uttale seg om det i særskilte tilfelle er blitt innvilga slik refusjon. Det pågår ein multisenterstudie i Noreg som har som mål å auke dokumentasjonen for denne typen behandling, som vil kunne ha tyding for refusjon av kandesartan som migreneprofylakse.

Svar: Migreneprofylakse er ikkje blant godkjende indikasjonar for kandesartan og denne indikasjonen har heller ikkje førehandsgodkjent refusjon. For å kunne føreskrive kandesartan som førebyggjande behandling mot migrene på blå resept, må ein derfor søke individuell refusjon (jf. § 3 i blåreseptforskrifta).

I ei tidlegare RELIS-utgreiing om individuell refusjon av kandesartan som førebyggjande behandling mot migrene, visast det til at Helfo som hovudregel krevjer randomiserte og kontrollerte studiar (RCT) av ein viss storleik, for å innvilge søknad om individuell refusjon (1). På bakgrunn av informasjonen i den tidlegare RELIS-utgreiinga, kan det synast som om at Helfo på dåverande tidspunkt vurderte at dokumentasjonen som føreligg ikkje tilfredsstiller dette kravet (1).

RELIS kjenner ikkje til bakgrunnen for informasjonen som pasienten har fått frå apoteket, og om det føreligg enkelttilfelle der pasientar har fått individuell refusjon for kandesartan mot migrene.

Dokumentasjon for kandesartan mot migrene
I den nemnte RELIS-utgreiinga oppgjevast det at det føreligg to norske RCT med overkryssingsdesign, med tilsaman 132 deltakarar, som har undersøkt effekten av kandesartan som førebyggjande behandling mot migrene. Begge studiane fann at kandesartan var meir effektiv enn placebo, men det kommenterast òg at det vil vere behov for større studiar for å stadfeste nytta av denne behandlinga. Derfor har det same miljøet initiert ei større multisenterstudie, med mål om å kunne få nok dokumentasjon som kan føre til at kandesartan mot episodisk migrene kan kome på blå resept (1).

Multisenterstudien er pågåande og open for inkludering til april 2024, og resultat føreligg derfor ikkje på noverande tidspunkt (2, 3). Vi har heller ikkje funne andre, nyare RCT, men vi har funne to retrospektive studiar, utan kontrollgrupper, som har undersøkt opplevd effekt av kandesartan mot migrene og faktorar av tyding for respons (4, 5).

Den eine studien inkluderte 81 migrenepasientar med gjennomsnittsalder 45 år, som hadde brukt kandesartan i minst to månader. I denne studien rapporterte 47 % subjektivt om positiv effekt, definert som reduksjon i talet på dagar med hovudpine, migrene eller alvorsgrad av migrene. Fleirparten av pasientane (84 %) hadde diagnosen kronisk migrene, medan resten hadde episodisk migrene. Over halvparten av pasientane hadde daglege hovudpineplager. Ung alder og lengre sjukdomsvarigheit var faktorar assosiert med god respons på kandesartan, medan daglege hovudpineplager var assosiert med lågare sannsynlegheit for effekt (4).

Den andre studien inkluderte 120 migrenepasientar med gjennomsnittsalder 46 år, dei fleste med kronisk migrene (70 %). Effekt, målt som reduksjon i rapportert tal på dagar med hovudpine, vart undersøkt 8-12 veker etter behandlingsstart og 20-24 veker etter behandlingsstart. Dei fann ein signifikant reduksjon frå baseline ved begge måletidspunkt. Daglege hovudpineplager og fleire typar profylaktiske legemiddel utprøvd tidlegare var assosiert med lågare sannsynlegheit for effekt (5).

Referenser:
  1. RELIS database 2020; spm.nr. 13432, RELIS Sør-Øst. (www.relis.no)
  2. Nasjonal kompetansetjeneste for hodepine, St. Olavs hospital. CANDMIG: Kandesartan mot migrene. https://stolav.no/kliniske-studier/kandesartan-mot-migrene (Sist oppdatert: 2. juni 2022).
  3. U.S National Library of Medicine. ClinicalTrials. Candesartan for migraine prevention: (CandMig-3). ID: NCT04574713. https://clinicaltrials.gov/ (Sist oppdatert: 29. april 2022).
  4. Messina R, Lastarria Perez CP et al. Candesartan in migraine prevention: results from a retrospective real-world study. J Neurol 2020; 267(11): 3243-7.
  5. Sánchez-Rodríguez C, Sierra Á et al. Real world effectiveness and tolerability of candesartan in the treatment of migraine: a retrospective cohort study. Sci Rep 2021; 11(1): 3846.