Norwegian flag
Utredningen som riktar sig till hälso- och sjukvårdspersonal, har utformats utefter tillgänglig litteratur och resurser vid tidpunkten för utredning. Innehållet i utredningen uppdateras inte. Hälso- och sjukvårdspersonal är ansvarig för hur de använder informationen vid rådgivning eller behandling av patienter.


Adalimumab ved ulcerøs kolitt og alkoholinntak



Fråga: Ung vaksen pasient med ulcerøs kolitt har nyleg starta med adalimumab (Imraldi) og lurer på om hen kan drikke alkohol. Spørsmål frå allmennlege.

Sammanfattning: Bruk av adalimumab (Imraldi) er ikkje til hinder for å kunne drikke alkohol, men då i mindre til moderate mengder og overdrive inntak frårådast.

Svar: RELIS har tidlegare undersøkt om det er vurdert interaksjonspotensial for adalimumab og alkohol, utan å finne dette. Ein konkluderte derfor med at bruk av adalimumab ikkje er til hinder for å drikke alkohol i moderate mengder (1).

Etter eit nytt søk i interaksjonsdatabasar og litteraturen, finn ikkje at det er tilkome nye data på dette eller at det er grunnlag for å konkludere annleis enn tidlegare. Vi har funne eit par studiar som har undersøkt om alkoholinntak har påverknad på effekt av adalimumab-behandling ved dermatologiske tilstandar. Heller ikkje i desse studiane fann ein noko slik assosiasjon (2, 3).

Ein nyare oppsummeringsartikkel som omhandlar alkoholbruk hos pasientar med inflammatorisk tarmsjukdom, peikar på at både alkoholinntak og bruk av tumor nekrose faktor (TNF)-α-hemmarar er assosiert med leverpåverknad, og at ein av den grunn bør utvise varsemd (4). Samstundes viser dei til at alkoholinntak i seg sjølv kan forverre sjukdomssymptom, blant anna basert på at alkoholhaldig drikke kan innehelde sukker og svovel-forbindelsar. Dei konkluderer likevel med at mindre mengder alkohol truleg ikkje har klinisk tyding (4).

I pasientinformasjonen om adalimumab på nettsidene til den britiske, offentlege helsetenesta (National Helath Service - NHS), oppgjev også at pasienten kan drikke alkohol sjølv om hen bruker adalimumab (5).

Referenser:
  1. RELIS database 2021; spm.nr. 15100, RELIS Vest. (www.relis.no)
  2. Edson-Heredia E, Sterling KL et al. Heterogeneity of response to biologic treatment: perspective for psoriasis. J Invest Dermatol 2014; 134(1): 18-23.
  3. Peterson GC, Preston A et al. Analysis of characteristics and trends in treatment response of hidradenitis suppurativa patients: A southern US cohort study. Dermatology 2020; 236(5): 413-20.
  4. Piovezani Ramos G, Kane S. Alcohol use in patients with inflammatory bowel disease. Gastroenterol Hepatol (N Y) 2021; 17(5): 211-25.
  5. National Helath Service (NHS). Medicines A to Z: Adalimumab. https://www.nhs.uk/medicines/adalimumab/common-questions-about-adalimumab/ (Sist revidert. 24. mars 2022).