Norwegian flag
Utredningen som riktar sig till hälso- och sjukvårdspersonal, har utformats utefter tillgänglig litteratur och resurser vid tidpunkten för utredning. Innehållet i utredningen uppdateras inte. Hälso- och sjukvårdspersonal är ansvarig för hur de använder informationen vid rådgivning eller behandling av patienter.


Doseringsintervall hepatitt A-vaksine



Fråga: Ein mann har fått satt to dosar av hepatitt A-vaksina med to års mellomrom, siste for fem år sidan. Farmasøyt finn at anbefalt doseringsintervall mellom dose 1 og 2 er 6-12 månader. Reknast han som fullvaksinert eller bør han ta ein ny dose før han reiser til ein stad det er anbefalt med hepatitt A-vaksine?

Sammanfattning: Generelt for vaksiner er det viktig å overhalde minimumsintervallet mellom dosane, medan det sjeldan er spesifisert maksimumsintervall. Dette gjeld også for hepatitt A-vaksina, og i det aktuelle tilfellet reknast mannen som fullvaksinert.

Svar: Det anbefalte intervallet mellom to vaksinedosar er vanlegvis å rekne som minimumsintervall, ifølgje vaksinasjonsrettleiaren til Folkehelseinstituttet. Berre nokre få vaksiner verkar dårleg, dersom det går for lang tid mellom dosane, og i slike tilfelle er maksimumsintervallet spesielt presisert (1).

I vaksinasjonsrettleiaren for hepatitt A-vaksina presiserast det at det er viktig å overhalde minimumsintervallet (6 månader) mellom primærvaksinasjon (første dose) og boosterdosen (andre dosen), men at det ikkje er noko maksimumsintervall (2). Også preparatomtalen oppgjev at ein boosterdose gjeve inntil 5 år etter primærvaksinasjon induserer ein tilsvarande antistoffrespons som den som oppnåast dersom boosterdosen gjevast etter 6-12 månader (3). Etter fullvaksinering med to dosar hepatitt A-vaksine varer beskyttelsen i fleire tiår (2, 3).

Generelt anbefalar vi å kontakte vaksinerådgjevinga på Folkehelseinstituttet (FHI) ved spørsmål om vaksiner, som ein ikkje finn svar på i vaksinasjonsrettleiaren eller preparatomtalen til aktuell vaksine. Dei kan kontaktast på vaksine@fhi.no eller på telefon 21 07 70 00 (opningstid kvardagar mellom kl. 13.00 og 14.30).

Referenser:
  1. Folkehelseinstituttet. Vaksinasjonsveilederen: Intervaller mellom vaksinedoser. https://www.fhi.no/ (Sist oppdatert: 17. november 2020).
  2. Folkehelseinstituttet. Vaksinasjonsveilederen: Hepatitt A-vaksine og normalt immunglobulin. https://www.fhi.no/ (Sist oppdatert: 4. april 2023).
  3. Staten legemiddelverk. Preparatomtale (SPC) Havrix. https://www.legemiddelsok.no/ (Sist oppdatert: 7. november 2022).