Norwegian flag
Utredningen som riktar sig till hälso- och sjukvårdspersonal, har utformats utefter tillgänglig litteratur och resurser vid tidpunkten för utredning. Innehållet i utredningen uppdateras inte. Hälso- och sjukvårdspersonal är ansvarig för hur de använder informationen vid rådgivning eller behandling av patienter.


Spørsmål om ulike vaksinasjonregimer mot difteri-stivkrampe-kikhoste-polio-Hib-hepatitt B



Fråga: I barnevaksinasjonsprogrammet får barn som regel 3 dosar med seksvalent kombinasjonsvaksine mot difteri-stivkrampe-kikhoste-polio-Haemophilus influenzae B (Hib)-hepatitt B (Infanrix hexa). Dersom barn får fulldose difteri-stivkrampe-kikhoste-polio-vaksine (DTP-IPV) (Tetravac) i staden for, er det anbefalt 4 dosar og dersom barn får Hib-vaksine (Act-Hib) ved same alder, er det også anbefalt 4 dosar. Oppnår barnet tilstrekkeleg beskyttelse mot difteri, tetanus, kikhoste og Hib ved at ein berre får 3 dosar av Infanrix hexa? Er det noko fare ved å ta boosterdose med Tetravac og Act-Hib, dersom barnet er vaksinert med 3 dosar Infanrix hexa? Det er meir enn 2 år sidan siste dose av Infanrix hexa og det gjeld eit barn som skal flytte til eit land med eit anna vaksinasjonprogram. Spørsmål frå farmasøyt.

Sammanfattning: Barn som har fulgt barnevaksinasjonprogrammet som anbefalt, skal ha fått optimal beskyttelse mot sjukdommane det vaksinerast mot. Basert på norske retningslinjer er det ikkje anbefalt tilleggsvaksinasjon med aktuelle vaksiner, dersom barnet har fått tre dosar Infanrix hexa som anbefalt, men andre vaksiner kan vere aktuelle avhengig av kor barnet skal flytte til. Dette bør foreldra ta opp med barnets lege før dei flyttar, eventuelt kontakte helsevesenet i aktuelt land ved ankomst, for å få vurdert behovet for eventuell innhentingsvaksinasjon.

Svar: Det er ikkje oppgjeve alder på barnet, men vi antar at det gjeld eit barn som har fulgt barnevaksinasjonprogrammet og fått Infanrix hexa ved 3, 5 og 12 månaders alder, som anbefalt (1, 2). Ut frå dette vil barnet no vere fylt 3 år.

Det er uklart kor spørsmålsstillar har henta informasjon om at 4 dosar Tetravac og Act-Hib somme gonger erstattar 3-doseregime med Infanrix hexa. 4-doseregime med Tetravac og Act-Hib er ikkje del av norske vaksinasjonanbefalingar, men mogleg det er anbefalinga i vaksinasjonprogrammet i det landet barnet skal flytte til (spesifikt land ikkje oppgjeve).

Anbefalingane i barnevaksinasjonsprogrammet skal sikre at alle barn og unge i alderen 0 - 20 år oppnår optimal beskyttelse mot sjukdommane det vaksinerast mot (3). Dersom barnet har fått 3 dosar Infanrix hexa som anbefalt, skal barnet vere tilstrekkeleg beskytta mot difteri, tetanus, kikhoste og Hib, samt hepatitt B.

Dersom barnet ikkje har fått Infanrix hexa før fylte 1 år, trengs berre éin dose vaksine mot Hib (haemophilus influenzae type B), og då ein nytte fulldose DTP-IPV (Tetravac) og enkeltkomponent hepatitt B-vaksine til eventuelle øvrige dosar (2). Barn over 5 år treng vanlegvis ikkje Hib-vaksine. Dette skuldast at alle utviklar immunitet innan skulealder (4).

I vaksinasjonretteleiaren for helsepersonell finst det eit eige kapittel som omhandlar vaksinasjon av barn som skal flytte ut av Noreg (3). Firedoseprogram av DTP-IPV-Hib-Hep B-vaksine gjeld dersom ein må starte vaksinasjon tidlegare eller gje dosane med kortare intervall for at barne skal rekke å vere fullvaksinert før flytting (3). Dette er ikkje aktuelt i dette tilfellet, ettersom vi tolkar det slik at barnet allereie er vaksinert i tråd med barnevaksinasjonsprogrammet.

I same kapittel omtalast også vaksinasjon av barn som har flytta til Noreg, med tanke på innhentingsvaksinasjon av uvaksinerte eller ufullstendig vaksinerte barn (3). Det er mogleg at landet barnet skal flytte til har tilsvarande retningslinjer for innhentingsvaksinasjon, dersom det er særskilte vaksiner som vurderast naudsynt der og som barnet ikkje har fått tatt før flytting frå Noreg.

Behov for særskilte vaksiner utover det barnet har fått i barnevaksinasjonsprogrammet kan foreldra ta opp med barnets lege før dei flyttar. Alternativt bør foreldra til barnet oppmodast til å kontakte helsevesenet i aktuelt land ved ankomst for vurdering av eventuell tilleggsvaksinasjon.

Referenser:
  1. Folkehelseinstituttet. Barnevaksinasjonsprogrammet - veileder for helsepersonell. https://www.fhi.no/ (Sist oppdatert: 21. oktober 2021).
  2. Folkehelseinstituttet. Aktuelle kombinasjonsvaksiner i barnevaksinasjonsprogrammet - veileder for helsepersonell. https://www.fhi.no/ (Sist oppdatert: 8. desember 2023).
  3. Folkehelseinstituttet. Innhentingsvaksinasjon ved avvik fra det norske barnevaksinasjonsprogrammet. https://www.fhi.no/ (Sist oppdatert: 26. juni 2023).
  4. Folkehelseinstituttet. Hib-vaksine (Haemophilus influenzae type b) - veileder for helsepersonell. https://www.fhi.no/ (Sist oppdatert: 12. september 2023).