Norwegian flag
Utredningen som riktar sig till hälso- och sjukvårdspersonal, har utformats utefter tillgänglig litteratur och resurser vid tidpunkten för utredning. Innehållet i utredningen uppdateras inte. Hälso- och sjukvårdspersonal är ansvarig för hur de använder informationen vid rådgivning eller behandling av patienter.


Triptan til barn



Fråga: Allmennlege lurer på kva triptan som kan gjevast til barn med påvist migrene, i dette tilfellet ein 11 år gamal pasient, 50 kg. Toler ikkje sumatriptan (Imigran) nasespray grunna smak. I retningslinjer i Norsk elektronisk legehandbok (NEL) finn legen at det ved manglande eller utilstrekkeleg effekt av eitt tiptan anbefalast å forsøke eit anna triptan og eventuelt også anna administrasjonsform (1), men i Felleskatalogen finst berre informasjon om bruk til vaksne.

Svar: Sumatriptan (Imigran) nasespray er det einaste triptanet som i Noreg har godkjend indikasjon til barn (ned til 12 år) (2). I pasientinformasjonen som høyrer til NEL-kapitlet Migrene hos barn og unge oppgjevast det at sumatriptan også kan gjevast i tablettform og at 1 tablett à 50 mg tilsvarar éin dose nasespray (1).

I det kunnskapsbaserte oppslagsverket for legemiddel til barn (KOBLE) finst doseringsanbefalingar for både sumatriptan nasespray og peroral rizatriptan ned til 6 års alder for akutt behandling av migrene (3). Ein skiljer på doseringar under og over eller lik 40 kg, og dosering til barn ≥40 kg er 20 mg/dose for sumatriptan og 10 mg/dose for rizatriptan (3).

Nevro-NEL oppgjev at i tillegg til sumatriptan og rizatriptan, kan 2,5 mg peroral eller 5 mg nasal zolmitriptan ha effekt til barn (4).

Behandling av migrene hos barn omtalast også i den nyleg publiserte artikkelen Riktigere bruk av legemidler mot migrene (5).

Referenser:
  1. Norsk elektronisk legehåndbok. Migrene hos barn og unge. https://legehandboka.no/ (Sist revidert: 7. oktober 2021).
  2. Direktoratet for medisinske produkt. Preparatomtale (SPC) Imigran nesespray. https://www.legemiddelsok.no/ (Sist oppdatert: 1. oktober 2021).
  3. Kunnskapsbasert oppslagsverk om barns legemidler (KOBLE). Sumatriptan. Rizatriptan. https://www.koble.info/ (Søk: 9. februar 2024).
  4. NevroNEL. Migrene. https://nevrologi.legehandboka.no/ (Sist oppdatert: 2. oktober 2023).
  5. Knutrud HM, Hellem SG et al. Riktigere bruk av legemidler mot migrene. Nor Farmaceut Tidsskr 2023; 7: 50-55. www.farmatid.no/