Frågedatum: 2025-02-17

RELIS database 2025; id.nr. 17468, RELIS Vest

Bruk av flukonazol utover 6 månader ved vulvovaginal soppinfeksjon

Fråga: Lege i allmennpraksis spør angående kvinne med hyppig residiverende vulvovaginale soppinfeksjoner. Var helt symptomfri ved bruk av flukonazol (Diflucan) 150 mg ukentlig i 6 måneder, men fikk residiv etter seponering. Kan man stå fast på flukonazol utover 6 måneder? Hvordan bør dette eventuelt følges opp biokjemisk?

Svar: Bruk av flukonazol (Diflucan) utover 6 månader ved residiverande vulvovaginal soppinfeksjon er omtala i Sex og Samfunn si metodebok (1). Dei skriv at ved residiverande og kronisk soppvaginitt, definert som minst fire tilfelle i løpet av eitt år, er det behov for behandling over lengre tid. Dersom plagene kjem tilbake, kan ein prøve med 150 mg flukonazol annankvar veke i ein lengre periode. Ved problem knytt til menstruasjonssyklus, kan det til dømes forsøkast med 150 mg flukonazol ein gang i månaden, like før menstruasjon. Ved framleis residiv kan følgande 12 månaders behandlingsregime forsøkast:

150 mg annankvar dag i 6 dagar, deretter 150 mg ein gang i veka i 8 veker, deretter 150 mg annankvar veke i 4 månader, deretter 150 mg ein gang i månaden i 6 månader. Jo lenger behandlinga varar, desto lågare risiko er det for residiv (1).

Amerikanske UpToDate omtalar også bruk av flukonazol utover 6 månader ved vulvovaginal soppinfeksjon (2). Dei skriv at vedlikehaldsbehandling med 150 mg flukonazol ein gang i veka kan vare i 6 månader eller lengre. Behandlinga seponerast forsøksvis etter 6 månader, men opp til 55 % av pasientane opplever residiv innan eit halvt år, ettersom ein med symptomatisk behandling ikkje får gjort noko med dei underliggande faktorane som bidreg til soppinfeksjonane. Behandlinga med flukonazol startast då igjen. I behandlingsalgoritmen deira er det oppgitt at nokre kan trenge behandling i eit år eller meir. Flukonazol-resistens omtalast ikkje som eit problem ved langtidsbehandling. Vidare skriv forfattarane at sikkerheitsprofilen til lågdose flukonazol tilseier at det ikkje er behov for laboratoriemessig monitorering ved bruk av flukonazol i monoterapi (2).

RELIS har tidlegare sett på langtidsbruk av flukonazol ved mykokutan candidasis og behov for monitorering (3). Her konkluderast det med at ein ved litteratursøk har funne få studiar som har sett på biverknadar ved langtidsbruk av flukonazol. Langtidsbruk av flukonazol er likevel vanleg ved ei rekkje ulike tilstandar. I høve til monitorering vert det i ei rekkje kjelder tilrådd monitorering av transaminasar ut frå at flukonazol har kjent hepatotoksisitet. Vi har ikkje funne informasjon om at jamleg monitorering utover dette er naudsynt.

1. Sex og Samfunn. eMetodebok for seksuell helse. Kapittel 3.15 Soppvaginitt. https://emetodebok.no/kapittel/lnfeksjoner/ (17. februar 2025)
2. Sobel JD. Candida vulvovaginitis in adults: Recurrent infection. Version 12.0. In: UpToDate. https://www.helsebiblioteket.no/ (Sist oppdatert: 24. oktober 2024).
3. RELIS database 2021; spm.nr. 14807, RELIS Vest. (www.relis.no)