Norwegian flag
Utredningen som riktar sig till hälso- och sjukvårdspersonal, har utformats utefter tillgänglig litteratur och resurser vid tidpunkten för utredning. Innehållet i utredningen uppdateras inte. Hälso- och sjukvårdspersonal är ansvarig för hur de använder informationen vid rådgivning eller behandling av patienter.


Gaviscon® og lågt nivå av fosfat og natrium



Fråga: Lege spør om Gaviscon er fosfatbinande og kan gi redusert nivå av fostat, og også redusert nivå av natrium.

Svar: Gaviscon er eit antirefluksmiddel som inneheld kombinasjon av alginat og antacida. Det finst i formene tyggetablett og mikstur. Tyggetabletten inneheld natriumalginat, aluminiumhydroksid og natriumhydrogenkarbonat, og miksturen inneheld i tillegg kalsiumkarbonat. Natriumalginat reagerer med syre i ventrikkelen og dannar ein viskøs og skummande gel over innhaldet i ventrikkelen, og hemmar slik mekanisk gastroøsofagal refluks. Ved passasje gjennom tarmen blir alginsyregelen omdanna til lettløyseleg natriumalginat som blir utskilt i avføringa (1).

Verknad på fosfat: I ei kjelde finn ein oppgitt at aluminiumhydroksid i store dosar, eller moderate dosar hjå personar på fosfatfattig diett, kan gi fosfattap, som kan gi auka beinresorbsjon, hyperkalsemi og fare for osteomalasi (2).

Verknad på natrium: Det er i SPC oppgitt for tyggetablettar at desse bør brukast med varsemd hjå pasientar på natriumfattig diett (1). Medikamentet inneheld sambindingar med natrium; natriumalginat og natriumhydrogenkarbonat. Teoretisk kan ein tenkja seg at natrium blir tatt opp i tarmen, og kan bidra til hypernatremi. Imidlertid vil alginatet også bli utskilt som natriumalginat. Ein finn ikkje at hyponatremi er ein kjend biverknad.

Konklusjon:
Antirefluksmiddelet Gaviscon inneheld aluminiumhydroksid, som i følgje ei kjelde kan gi fosfattap og hypofosfatemi i store dosar, eller ved normale dosar ved fosfatfattig diett. Ein kjenner ikkje til at preparatet kan gi hyponatremi. To sambindingar inneheld natrium, som kan bli tatt opp i tarmen og såleis er ei natriumkjelde. Preparatomtale for Gaviscon tyggetablettar rår til varsam bruk hjå pasientar på natriumfattig diett.

Referenser:
  1. Statens legemiddelverk. Preparatomtale (SPC) Gaviscon. http://www.legemiddelverket.no/legemiddelsok (Sist endra: 30. desember 2008).
  2. Sweetman SC, editor. Martindale: The complete drug reference. Aluminum hydroxide. http://www.medicinescomplete.com/mc/martindale/current/ (11. juli 2012).