I 2020 innleia RELIS Vest eit samarbeid med Hjerteavdelingen ved Haukeland universitetssjukehus om å tilby eit opplæringsprogram om legemiddeltryggleik og biverknadsrapportering til sjukepleiarar.

Sjukepleiarar er ei helsepersonellgruppe som er tett på pasientane og som ofte har ansvar for å administrere legemiddel. Dei er dermed i ein nøkkelposisjon til å plukke opp endringar i klinisk tilstand som kan skuldast legemiddelbruk – særskilt hos sårbare pasientar.

Biverknadsmeldingar frå helsepersonell er den viktigaste kjelda til å auke kunnskapen om nytte-risiko-balansen til legemiddel, men dessverre er det ei stor grad av underrapportering, også kva gjeld nye, ukjente og alvorlege biverknader. Frå 1. januar 2020 vart meldeplikta for legemiddelbiverknader utvida til å gjelde alt helsepersonell.

I tillegg til opplæring i bruk av sjølve meldeskjemaet på melde.no, var målet med opplæringsprogrammet å gje sjukepleiarane

• Tryggleik i å snakke om biverknader med pasientar og kollegaer
• Betre føresetnader for å førebyggje biverknader eller redusere nye tilfelle av biverknader
• Auka merksemd rundt verdien av å avdekke og rapportere biverknader

Les meir om bakgrunnen for, innhaldet i og dei foreløpige resultata frå programmet i publikasjonen

Nurses as adverse drug reaction reporting advocates.